創作理念
文學e心靈是人類生命e形上學，若無心靈e形上世界，人類永遠只是一隻生物我爾爾。佇生命e形上學世界，價值觀著是太陽，美學著是月光。因為日頭e光明合月娘e月光，真善美e真理則會中佇人類e社會咧發揚光大。土地合母語是我文學創作e資糧。母土和母語是雙翼，失落一支著未飛chit。后土e聲音，悲、喜、怒、笑，我攏有聽著，我須要真爽快給吐露出來，用上自然e心聲「我e母語」來講來吟來唱，甚至含著目水、血，咧哭咧哮咧向 天公告訴。